Pashto Ghairat poetry - پشتو غیرتی شعرونه

ای خدایه عقل راکړه ای خدایه پویه را

زړګی مضبوط راکړه او سینه لویه را

سترګې د نمر راکړه رحم د ځان را

بیا ټول غمونه دې د دی جهان را

ما ته ئې په سر کړه ځار درنه شمه

زه به ئې وړمه - زه به ئې وړمه

یار بهادر راکړه که همت نه راکوي

غیرتی و رور راکړه که غیرت نه راکوي

د سکندر بخت را، د دارا خیال را

مټ د خالد کښې توره هلال را

اسلام دې پرېږده ما ته ځار درنه شمه

زه به ئې ګټمه - زه به ئې ګټمه

د شپې خېمه کښې، د عشق شراب را

پاک مل د لاري، لکه ګلاب را

د سپوږمۍ نور راکړه، لوبو کولو له

د بوډی ټال راكړه، جوټو وهلو له

جهان دې پرېږده، ځار درنه شمه

جنت به ئې کړمه - جنت به ئې کړمه

Post a Comment